Skip links

AnnaĂ°

Vit hjálpa at gera avtalur um yvirtøku av fastogn, serliga vinnulívsfastognum, her undir eisini hjálp við samráðingum, avtaluuppskotum og uppfylling av keypinum. Harafturat kunnu vit gera eina due diligence kanning av serligum viðurskiftum viðvíkjandi ognini, millum annað í sambandi við umhvørvis-og leiguviðurskifti.

Harumframt veita vit ráðgeving í samband við verkætlanir innan arbeiðstøku-og byggirætt.

Eisini kunnu vit hjálpa til við at útvega fígging, umframt hjálp við at skipa samtøk.

Tá ið felag verður avhendað, ráðgeva vit út frá einum praktiskum sjónarhorni, til dømis:

  • Due diligence (kanning av felagnum)
  • Avtalusamráðingar og ger av sáttmála
  • FĂ­ggjarligar metingar
  • Vinnufelagsrættarligar trupulleikar
  • Kappingarrættarlig viĂ°urskifti
  • StarvsfĂłlkaviĂ°urskifti
  • Umhvørvi
  • Skattarættarligar avleiĂ°ingar

Vit hava t.d. royndir frá ikki minni enn 2 almennum føroyskum privatiseringum, har vit høvdu ábyrgdina av due diligence v.m., tá hesar almennu fyritøkur skuldu skrásetast á útlendskum keypsskálum.

Royndir okkara siga okkum, at ein røtt og vælhugsað ætlan ofta er avgerandi fyri at fáa tað endaliga úrslitið, sum ein ynskir við sølu ella keypi.

Skrivstova okkara hevur gott samband við teir aktørar, sum vanliga eru við til at fremja eitt keyp/sølu av vinnufeløgum. Við okkara royndum og neti tryggja vit, at kundin fær dugnaliga ráðgeving á øllum stigum.

Vit hjálpa til við at gera umboðsavtalur, eins og vit ráðgeva viðvíkjandi trupulleikum, tá ið slíkar avtalur halda uppat og tey krøv, sum vanliga vera reist í hesum viðfangi.